A ka një pakt me Bardhin? Berisha: Nuk pengoj askënd të kandidoj për kryeministër

Ulja e në një tryezë e Berishës dhe Bardhit vijon të prodhojë zhvillime të rëndësishme brenda Partisë Demokratike. Kreu i Rithemelimit, Berisha pranoi për herë të parë këtë të premte se është i gatshëm ta pranojë Bardhin si kryetar të grupit parlamentar.

“Gazment Bardhi është i mirëpritur të votohet edhe për kreun e grupit të PD.  Ai ka një grup deputetësh që janë të PD që e mbështesin dhe janë të mirëpritur dhe e kam theksuar janë të hapur për negociata dhe propozime”- tha Berisha.

Por Berisha la të hapur edhe variante të tjera për bashkëpunimin me grupimin e Bardhit. Sipas tij askujt nuk i mohohet mundësia për të qenë kandidat për kryeministër i opozitës.

Takimet e përbashkëta të deputetëve të opozitës pritet të kthehen të përjavshme para çdo seancë për të koordinuar punën në Parlament.

LEXONI GJITHASHTU: 

• Bie në kontakt me energjinë elektrike, ndërron jetë brenda hotelit 10-vjeçari
• Nisja e vitit të ri shkollor, ja ora kur ndalohet qarkullimi i furgonëve të mallrave