A mund ta refuzosh një propozim për martesë në 2656 metra lartësi?

Nëntor Oseku është shqiptar i Kosovës ,me profesion jurist që ka si pasion fotografinë dhe udhëtimet në vende të ndryshme. Ai së bashku me bashkëshorten e tij Kaltirna Kusari ndajnë të njëjtin pasion për aventurat në natyrë.

Ata kanë zgjedhur që dhe fotosesionin e dasmës së tyre ta zhvillojnë në një vend shumë të veçantë në malin e Gjeravices, 2656 m mbi nivelin e detit.

Në emisionin “Good Morning Albanians” në Euronews Albania, Kusari u shpreh se e morën këtë vendim, pasi maha e Gjheravicës është më e larta në Kosovë dhe ndër të preferuarat e saj.

Ajo nënvizoi se morën rrobat e martesës me vete dhe u ndërruan kur u ngjitën në majë.

“Vendosëm që foton e martesës t’i bëjmë në majën e Gjeravicës, sepse është maja më e lartë në Kosovë. Në atë kohë, ende nuk e kisha njgitur majën e Gjeravicës dhe kisha shprehur dëshirën për ta ngjitur. Kështu lindi ideja.

Ishte një moment shumë e veçantë për ne, ta dokumentojmë një majë që është shumë e bukurdhe ndër të preferuarat e mia. Ta ndal frymën kur ngjitesh. Ka qenë ngjitja e parë në majën e Gjeravicës. Jemi ndërruar lart. Ne të dy edhe fotografi”, theksoi ajo.