A po e lëshon Rama Arben Ahmetajn? Analisti zbërthen deklaratën e bujshme të Ramës

Analisti Aleksandër Çipa tha se kreu i qeverisë me deklaratat që bën në lidhje me aferën e inceneratorëve do të krijojë përshtypjen se nuk e pengon drejtësisë dhe sipas tij këtë e bën vetëm për imazh.

Këtë e tha në emisionin “Now” në Euronews Albania kur u pyet nëse kreu i qeverisë po e ‘lëshon’ Arben Ahmetajn, të cilit tashmë i janë hequr të gjitha postet që kishte në PS përveç deputetit.

“Ka qenë një qëndrim politik i Ramës që të krijojë përshtypjen se është besnik i atij standardi që ka krijuar në cilësinë e të qenit kryeministri i vendit që nuk e pengon drejtësinë. Mendoj se është një çështje imazhi sesa brendi. Çështja e inceneratorëve duket sikur doli nga rendi i ditës, por duket se është rikthyer fuqimisht prapë. Ishte merita e LSI-së që e vuri në agjendë e më pas përfshiu opozitën dhe median. Ka diferencë të madhe mes asaj që shpallim mediatikisht ne dhe procedurës reale. Diferenca është e madhe mes asaj që shohim dhe asaj që ndodhë në dosjen hetimore të inceneratorëve. Nuk e përjashtojmë kontekstin para fushatës elektorale”- tha ai.

LEXONI GJITHASHTU: 

• Bërnabiç: Escobar, një tjetër politikan që kundërshton rezolutat e OKB-së
• Avokati: Si po ndodhin intimidimet në seancat gjyqësore nga ndërkombëtarët
• Spartak Ngjela: Do ketë forcë ushtarake amerikane në Shqipëri nëse SPAK nuk vepron