A po projektohet Shqipëria e Madhe? Analisti komenton deklaratat e Dodik

Analisti Xhelal Neziri tha në një intervistë për Euronews Albania se deklaratat e presidentit të Republikës Srpska, Milorad Dodik për Shqipërinë e Madhe janë një alibi.

Sipas tij, me deklaratën se shqiptarët po projektojnë Shqipërinë e Madhe, Dodik kërkon të justifikojë politikën tipike ruse të tij në rajon për një Serbi të Madhe.

“Dodik në Ballkan është lojtari më luajal i Putin. Nëse e shohim atë që ndodh me të ashtuquajturën botë ruse, që pretendon se çdo vend i banuar me rusë etnikë duhet t’i përkasë Rusisë, janë 5 shtete që i pretendon Rusia. E njëjta gjë po ndodh në Ukrainë. Kjo botë ruse po kopjohet nga struktura të caktuara të politikës serbe në rajon. Atë politikë po e zbaton edhe Dodik. Shqipëria e madhe është një alibi, fajësim që më pas arsyeton atë që bën Dodik në Bosnjë. Ai ëndërron Serbinë e Madhe, dhe këtë kërkon ta arsyetojë me konceptin e Shqipërisë së Madhe”, tha analisti.

LEXONI GJITHASHTU:

• Kosova në protestë për UÇK-në, gazetari Kosovë Gjoci zbulon shifrat e pjesëmarrjes
• Dodik: Më vjen mirë që Blinken ka dëgjuar për mua, por ne s’i japim pronat Srpska