“Aborti lë trauma”, pastori: Gratë e përdhunuara të Kosovës i kanë mbajtur fëmijët

Pastori Paulin Vilajeti tha se edhe gratë të cilat kanë abortuar fëmijët që kanë ardhur si pasojë e një përdhunimi, nuk u ka kaluar trauma e aktit.

I ftuar në “Good Morning  Albanians”, pastori tha se ndonëse shumë gra të Kosovës janë përdhunuar gjatë luftës, ato nuk i kanë hequr fëmijët nga këto sulm e seksuale. Sipas tij akti i përdhunimit duhet parë i ndarë nga shtatëzënia.

“Gjatë luftës në Kosovë kanë ardhur shumë gra dhe vajza të cilat kanë qenë të përdhunuara. Ato vajza dhe ato gra i kanë mbajtur fëmijët e tyre. Unë jam i bindur se ai fëmijë nuk është fajtor edhe pse nëna ka patur një përdhunim.

Unë kam besimin se çdo krijesë njerëzore, që në barkun e nënës,  perëndia ka një plan për të në të ardhmen. Nuk duhet të përcaktojmë të ardhmen e një njeriu në bazë të veprimeve. Nëna ka ndodhur ta ketë abortuar për shkak të një përdhumini që i ka ngelur traumë, por nuk i ka kaluar trauma, shtatzënia është e ndarë nga akti. Aborti nuk është zgjidhje”,-tha pastori.

LEXONI GJITHASHTU:

• Egla Harxhi: Kur fëmija vjen nga një përdhunim ose ka probleme, duhet abortuar
• Gjinekologu i njohur: Më mirë abort sesa një fëmijë i padëshiruar…