AEJ dënon gjuhën e deputetëve të PD ndaj gazetares së Euronews Albania

Shoqata Ndërkombëtare e Gazetarëve Evropianë ka dënuar sjelljen e demokratëve drejtuar gazetares së Euronews Albania, Sara Demushi gjatë protestës së mbajtur këtë të premte nga opozita.

Gazetarja dhe operatori i Euronews Albania u penguan nga demokratët Edi Paloka, dhe Aldo Bumçi në punën e tyre, ku Euronews ishte për të pasqyruar zhvillimet e protestës.

Reagimi i plotë i AEJ:

Shoqata Ndërkombëtare e Gazetarëve Evropianë dënon sjelljen agresive dhe deklaratat e deputetëve të Partisë Demokratike nga Edi Paloka, ndaj gazetares Sara Demushi së Euroneës dhe kameramanit, por edhe gazetarëve të tjerë në protestën e sotme në Tiranë.

Gjuha kërcënuese dhe intimidimi fizik ndaj gazetareve dhe punonjësve të medias janë të papranueshme dhe një kërcenim i drejtpërdrejtë ndaj lirisë së medias. Tentativa për ti larguar është e papranueshme dhe cënon rëndë kirinë. E medias.

Është e rrezikshme për standardet e një vendi që një parti politike të shantazhojë dhe kërcënojë gazetarët.

Një parti politike nuk mund të largojë mediat nga një aktivitet publik dhe nuk mund të përpiqet të ndalojë ato të ushtrojnë misionin e tyre.

LEXONI GJITHASHTU:

• E paprecedentë/ Demokratët në protestë sulmojnë gazetaren e Euronews Albania
• Presion gazetares së Euronews në protestë, AGSH-drejtuesve të PD-së: Ndalni sulmet
• AEJ dënon gjuhën e deputetëve të PD ndaj gazetares së Euronews Albania