Agalliu: Rruga e bashkimit të PD duhet të jetë pa Bashën dhe Berishën

Deputeti demokrat Arbi Agalliu tha në një intervistë për Euronews Albania se rruga e bashkimit të PD duhet të jetë pa Lulzim Bashën dhe Sali Berishën.

Agalliu u shpreh PD ka nevojë për një riformatim real jo si ai që ndodhi me zgjedhjen e Berishës në krye të partisë i cili sipas tij duhet të kishte bërë një hap pas, ashtu siç bëri ish-kryetari lulzim Basha.

“Basha bëri një hap pas, ashtu duhet të bënte edhe Berisha për t’i dhënë mundësinë demokratëve të shkëputeshin zyrtarisht nga përplasja e 2 individëve. Berisha ka një barrë mbi supe, ka dhënë kontribut në PD, por duhet të tejkalonte veten duke u spostuar dhe duke qëndruar si një lider historik dhe këshilltar i kësaj partie”, tha Agalliu.

Sipas tij, ka ardhur momenti që politika në Shqipëri të shkëputet nga mendësitë e vjetra të partisë së kryetarit dhe të drejtohet nga vlerat e vërteta të individit.

“Në 30 vjet partitë në Shqipëri kanë qenë parti kryetarësh. Duhet të ngremë një të ardhme në PD me persona të pastër që nuk kanë lidhje me sistemin komunist”, u shpreh deputeti demokrat.

LEXONI GJITHASHTU:

• Protesta e 7 korrikut e domosdoshme për largimin e PS-së, pretendon Berisha
• Berisha për vrasjen e Xhuvanit: Gazment Bardhi ka pakt me Ballën