Agim Nesho: Kurti është brenda një loje shumë të madhe ndërkombëtare

Kryeministri i Kosovës, Albin Kurti, tha se bashkëpunimi i Kosovës me Shtetet e Bashkuara është i mirë, por se kjo nuk do të thotë që dy vendet “pajtohen absolutisht për gjithçka”.

Kurti tha se Qeveria e tij duhet ta respektojë rregulloren e Bankës Qendrore të Kosovës, që e ndalon përdorimin e dinarit serb, sepse me Kushtetutë dhe ligj e ka për detyrë.

Këtë e komentoi diplomati Agim Nesho, i ftuar në emisionin ‘Now me Erla Mëhillin’ në Euronews Albania, ku tha se po luhet një lojë shumë e madhe ndërkombëtare brenda të cilës ndodhet Kurti.

“Kurti e tha vetë që janë në një dakordësi të plotë me komunitetin e plotë ndërkombëtar, por jo për të bërë lëshime. Kjo është përgjigja më e saktë e një shtetari që bashkëpunon me Komunitetin ndërkombëtar, ndan të njëjtat vlera, por s’ka pse të bëjë lëshime kur vjen puna për respektimin e Kushtetutës, sovranitetit të vendit të tij. Kjo është ajo që e dallon Kurtin nga klima e oligarkëve që janë në Ballkan. Perëndimi mendonte se është më e rëndësishëm që në këto momente të jetë një bashkëpunim i frytshëm me regjimin e Beogradit për arsye që dhe Beogradi të merrte diçka dhe të arrinte atë të ashtquajturën paqe dhe stabilitet në Ballkan.  Në të gjithë këtë lojë të madhe, Kurti ndodhet i vetëm përpara një problemi të madh, të ruaj sovranitetin e tij. Kurti është brenda një loje shumë të madhe ndërkombëtare”-tha Nesho.

LEXONI GJITHASHTU: 

• “Lufta” e Kurtit me Perëndimin, Peka sulmon Beogradin: Ata po financojnë sulme
• SHBA propozon rezolutë për armëpushim të përkohshëm në Gazë