“Lufta” e Kurtit me Perëndimin, Peka sulmon Beogradin: Ata po financojnë sulme

Ish-zv.ministri i Brendshëm, Avenir Peka tha në emisionin Now në Euronews Albania se Albin Kurti po luan shumë hollë në raport me politikën e jashtme.

Sipas tij, Kurti ka arritur të largojë Serbinë si interlokutor me ndërkombëtarët dhe është afruar vetë me faktorin ndërkombëtar sipas mënyrës së tij.

“Ajo që po shohim është se nga një anë kërkojmë paqen me Serbinë nga ana tjetër të dislokojnë 48 reparte në kufi me Kosovën, në një anë kërkojnë marrëveshje, në anën tjetër të financojnë sulme terroriste si ai i Banjskës. Kështu që kërcënimet e SHBA që kanë qenë më të mëdha në kohën e Haradinajt të cilit i hoqën vizën dhe e shpallën non grata nuk përcaktojnë marrëdhëniet mes dy vendeve. Kurti ka ecur me teorinë e faktit të kryer”, tha Peka.

LEXONI GJITHASHTU:

• Agim Nesho: Kurti është brenda një loje shumë të madhe ndërkombëtare
• Dinari/ Kurti: Me SHBA jemi partnerë, por s’do të thotë që pajtohemi përherë