Agjencitë ruse të spiunazhit shtojnë përpjekjet kundër aleatëve të Ukrainës

Agjencitë ruse të inteligjencës kanë shtuar përpjekjet e tyre për të hakuar rrjetet kompjuterike të qeverisë amerikane, tha Microsoft në gjetjet e reja të publikuara të mërkurën.

Organizatat amerikane ishin objektivi kryesor i hakerave rus jashtë Ukrainës, sipas Microsoft, por hakerimi i supozuar rus është shtrirë në 42 vende dhe një sërë sektorësh që mund të kenë informacion të vlefshëm në lidhje me luftën, nga qeveritë tek grupet humanitare.

Është një kujtesë e oreksit të pangopur që operativët kibernetikë rusë kanë për informacion strategjik pasi Kremlini është më i izoluar në skenën ndërkombëtare sesa ka qenë për dekada.

Këto përpjekje hakerimi kanë depërtuar me sukses në 29% të rasteve, sipas Microsoft. Nga këto shkelje, një e katërta rezultoi në vjedhje të të dhënave nga rrjetet.

Por matja e “suksesit” të një spiunazhi kibernetik rus është e vështirë dhe Microsoft tha se nuk kishte një pamje të plotë të hakerimit sepse disa klientë ruanin të dhëna në sistemet e tyre dhe jo në infrastrukturën kompjuterike cloud të Microsoft.

CNN ka kontaktuar ambasadën ruse në Uashington për koment. Moska i mohon vazhdimisht akuzat për hakerim.

LEXONI GJITHASHTU:

• Faqja e internetit e qeverisë ruse hakerohet me mesazhe pro Ukrainës