Agjenti i Salah konfirmon: Egjiptiani mbetet në Liverpool

Futbollisti egjiptian, Mohamed Salah, ka qenë në vëmendjen e publikut ditët e fundit për shkak të interesimit të Al Ittihad për shërbimet e tij. Megjithatë, duket se asgjë nuk ka dalë nga kjo.

Shumë lojtarë u larguan nga futbolli evropian në këtë afat kalimtar për të shkuar në Arabinë Saudite. U përmend se kështu mund të ndodhë edhe me sulmuesin e Liverpoolit, por kjo nuk do të ndodhë, të paktën tani për tani.

Sipas BBC, Liverpool nuk planifikon të mbetet pa egjiptianin këmbëshpejtë, madje agjenti i lojtarit, Rami Abbas, i ka mohuar zërat:

“Mohamed mbetet i përkushtuar ndaj Liverpool-it. Nëse do të kishim menduar largimin nga Anfield, kontrata e re nuk do të ishte nënshkruar”, ka shkruar Abbas në profilin e tij në Twitter.

Egjiptiani ka bërë 307 paraqitje me fanellën e “Reds”, ku ka arritur të shënojë deri në 187 gola, duke e kaluar kështu Steven Gerrard në listën e të gjitha kohërave të golashënuesve pak ditë më parë.

LEXONI GJITHASHTU:

• Manchester United blihet nga sheiku i Katarit për 6 miliardë euro
• Siguria e grave në burgun e Manchesterit, vihet në pikëpyetje