Agron Duka: Kam 1 vit e gjysmë që kam nisur fushatën, ja fitoret që pres

Kryetari i Partisë Agrare Ambientaliste (PAA), Agron Duka tha në “Now me Erla Mëhillin” se ka rreth 1 vit e gjysmë që ka nisur fushatën dhe ka bërë një punë kolosale.

“Kemi 1 vit e gjysmë që bredhim në gjithë Shqipërinë. Unë nuk di formulë tjetër përveç punës. Parashikoj që do të dalim mirë sepse kemi punuar shumë dhe jemi lodhur shumë. Kemi gjetur kandidatura shumë të mira në 61 bashki për këshilltarë. Mirë unë quaj të tentojmë të kemi nga 2 këshilltarë për bashki, tentojmë, sesa dalim, nuk e di. Mundet që në ndonjë bashki mos të marrim anëtarë të Këshillit Bashkiak, por në ndonjë bashki tjetër, siç është Durrësi për shembull, apo Lezha, apo disa bashki nga veriu që kemi kandidatura shumë të mira, edhe nga jugu madje, për shembull Selenica, Vlora, Saranda, Vau i Dejës në veri, Shkodra, Malësia e Madhe, ne do të tentojmë të marrim ndoshta dhe më shumë se dy anëtarë të Këshillit Bashkiak,” – u shpreh Duka.

Ai theksoi se kjo është fitorja e tyre.