“Ahmetaj” përplas deputetët, Alibeaj: S’keni moral! Gogu: Nuk bëjmë shaka me ligjin

Autorizimi që SPAK kërkoi për arrestimin e Arben Ahmetajt ngjalli debate të forta në komisionin e ligjeve, teksa palët, opozitë dhe mazhorancë diskutonin propozimet e tyre për ligjin e lustracionit.

Deputeti socialist Toni Gogu i kujtoi demokratëve lidhjet me ish-sigurimin e shtetit përmes ish-kryeministrit Berisha dhe aleatit të tij Ilir Meta, i dyshuar si spiun i regjimit, por përgjigjen e mori nga Enkelejd Alibeaj i cili i kujtoi dy ngjarjet e fundit që tronditën jo pak socialistët.

Në replikë, Toni Gogu shpjegoi qëndrimin e socialistëve për këto dy ngjarje, çështjen “Rraja”, dhe përballjen e Ahmetajt me drejtësinë.

Ndërsa deputeti tjetër i Partisë Demokratike, Gazment Bardhi, kërkoi që kuvendi t’i japë menjëherë autorizimin SPAK për arrestimin e ish-zv.kryeministrit Arben Ahmetaj.

Për shkak të debateve, punimet e komisionit u ndërprenë për disa minuta, ndërsa diskutimet për ligjin e lustracionit, për shkak të mosdakordësisë mes palëve, u shtynë për në një tjetër seancë.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

A ndodhet Arben Ahmetaj në Shqipëri? Flet avokati i ish-ministrit

Kërkesa e SPAK për arrestimin e Ahmetaj, Bardhi: Të mblidhet Këshilli i Mandateve