AI sfidon bankat, Sejko: Institucionet të jenë gati për të ndërhyrë me rregullore

Zhvillimi i Inteligjencës Artificiale po sfidon sistemin bankar. Për këtë arsye, guvernatorët e bankave europiane kanë diskutuar mundësitë për ndërhyrje dhe rregullore të reja në forumin “Euromoney” në Austri.

Inteligjenca Artificiale dhe sistemet kompjuterike po marrin hov në ekonominë botërore dhe tashmë sfidë për qeveritë dhe bankat mbetet edhe kontrolli i tyre.

Në forumin “Euromoney” në Austri, guvernatori i Bankës së Shqipërisë, Gent Sejko tha se rreziqet që vijnë nga to, janë të mëdha dhe bankat qendrore duhet të jenë të gatshme të ndërhyjnë me rregullore të përshtatshme.

Në praninë e kolegëve guvernatorë, Sejko foli edhe për qendrueshmërinë e ekonominë vendase.

Sipas tij, në Shqipëri inflacioni u reduktua nga 8.3% në nëntor 2023, në nivelin prej 4% në dhjetor 2023. Në të njëjtën kohë është siguruar dhe ruajtja e një rritjeje ekonomike solide prej rreth 3.5% për vitin 2023

Forumi “Euromoney” për vendet e Evropës Qendrore dhe Lindore  është një aktivitet i përvitshëm që mbledh së bashku figura të njohura të fushës akademike, ekonomike e financiare.

LEXONI GJITHASHTU:

• Berisha a Basha? Çani e pyet, Inteligjenca Artificiale “zbulon” kush është kreu i PD
• Ligj i ri për Agjencinë e Inteligjencës, rishikohen sistemet e mbrojtjes