Bashkëshortja e kryebashkiakut Erion Veliaj, Ajola Xoxa ka mbërritur në GJKKO këtë të mërkurë ku pritet të verifikohet masa e sigurisë ndaj saj, nëse ndaj sa do të vijojë të jetë arrest në shtëpi.

Në pamje shihet Xoxa teksa shoqërohet nga dy efektivë policie të Tiranës, një prej tyre femër, sipas Procedurës Penale kur një person është në masë arresti shtëpiak dhe hyn brenda godinës teksa mban edhe një çantë shpine.

Për verifikim mase do paraqiten edhe 5 biznesmenët Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha, për të cilët është caktuar masa detyrim paraqitjeje.

Masat e sigurisë dhe akuzat

1. Erion Veliaj – Arrest me burg; korrupsion (9 raste) dhe pastrim parash
2. Ajola Xoxa – Arrest shtëpie; korrupsion (9 raste), pastrim parash, fshehje pasurie
3. Elman Abule -Arrest me burg; Pastrim Parash
4. Gentian Sula – Detyrim paraqitje; Korrupsion aktiv
5. Meriman Palushi – Detyrim paraqitje; Korrupsion aktiv
6. Fatmir Bektashi –Detyrim paraqitjeje; Korrupsion aktiv
7. Sokol Kryeziu – Detyrim paraqitje; Korrupsion aktiv
8. Shkëlqim Fusha – Detyrim paraqitje; Korrupsion aktiv