Një aksident i rëndë ka ndodhur mbrëmjen e kësaj të shtune 30 dhjetor në Durrës.

Nga informacionet paraprake bëhet me dije se një automjet ka dalë nga rruga dhe ka përfunduar në kanal, te ‘Sektor Rinia-Shenavlash’.

Gjatë humbjes së kontrollit të mjetit shoferi ka përplasur një këmbësor, i cili ka ndërruar jetë.

Policia dhe grupi hetimor ndodhen në vendngjarje dhe po punojnë për zbardhjen e rrethanave të aksidentit.

Njoftimi i policisë:

Durrës/Informacion paraprak

Rreth orës 18:45, në aksin rrugor “Sektor Rini-Shenavlash”, një automjet me drejtues shtetasin R. K., 31 vjeç, ka përplasur këmbësorin shtetasin Gj. D., rreth 52 vjeç, i cili si pasojë ka humbur jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.

LEXONI GJITHASHTU:

• Aksident i rëndë në Sarandë, motori përplaset me një lopë dhe më pas nga makina
• Aksident në Korçë/ “Audi” përplaset me një motomjet, një i plagosur