Aksident i rëndë në Elbasan, dy automjete përplasen “kokë më kokë”

Një aksident rrugor është regjistruar mëngjesin e kësaj të marte në qytetin e Elbasanit, ku dy automjete janë përplasur “kokë më kokë” teksa qarkullonin në Unazën Jugore.

Ngjarja ka ndodhur rreth orës 06:00, në zonën e njohur si “Lagja e Kinezëve”. Për pasojë, automjetet kanë pësuar dëmtime të konsiderueshme, ndërsa njëri prej drejtuesve ka mbetur i plagosur.

I lënduari është transportuar menjëherë në Spitalin Rajonal të Elbasanit, ku po merr ndihmë mjekësore. Sipas burimeve spitalore, ai ndodhet jashtë rrezikut për jetën dhe gjendja e tij shëndetësore është e qëndrueshme.

Ndërkohë, policia ka mbërritur në vendin e ngjarjes dhe po heton për të sqaruar shkaqet dhe rrethanat e aksidentit.

LEXONI GJITHASHTU:

• Sot i jepet lamtumira e fundit Dhimitër Anagnostit, homazhet mbahen në TOKB
• Çfarë po përgatitet? Forcat e NATO-s në Gjermani në gatishmëri