Një aksident i rëndë me pasojë vdekje ka ndodhur pasditen e së martës në Laç, pranë kryqëzimit të Fushë Kuqes.
Sipas informacioneve paraprake, mësohet se dy automjete janë përplasur me njëra-tjetrën dhe një fëmijë dy vjeç ka humbur jetën.
Të plagosur kanë mbetur prindërit e fëmijës, Albi Rexhepi dhe Imelda Rexhepi.
Njoftimi i policisë
Rreth orës 18:00, në aksin rrugor dytësor Laç-Fushe Kuqe, në vendin e quajtur ” Kryqëzimi i Fushe Kuqes”, janë përplasur automjeti me drejtues shtetasin E. T. me automjetin me drejtues shtetasin A. R.
Për pasojë janë dëmtuar drejtuesi A. R. dhe pasagjeria I. R. të cilët janë dërguar në spital për ndihmë mjekësore, si dhe ka ndërruar jetë fëmija i mitur 2 vjeç. Grupi hetimor vazhdon veprimet në vendngjarje për zbardhjen e plotë të rrethanave të aksidentit.
LEXONI GJITHASHTU