Aksident i trefishtë në Fier, plagoset një grua

Tre automjete janë përfshirë në një aksident paraditen e së shtunës në Fier.

Policia tha se ngjarja ndodhi rreth orës 11:00, në aksin rrugor “Lushnjë-Fier”, ku shtetasi A. S., duke drejtuar automjetin tip “Skoda”, ka përplasur një automjet tip “Suzuki”, me drejtues shtetasin R. H.. Më pas nga përplasja është dëmtuar dhe një automjet tip “Audi”, me drejtues shtetasin S. Z..

Nga përplasja e 3 automjeteve është dëmtuar lehtë shtetasja S. B., e cila ndodhet në spital, në kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.

LEXONI GJITHASHTU:

• Emri| Vritet me thikë 23-vjeçari në Fier
• I shpallur në kërkim për inceneratorin e Fierit, arrestohet në Itali Juri Ymeraj