Aksident në aksin rrugor Korçë – Maliq, përfshihen tre automjete

Një aksident i trefisht ka ndodhur në aksin rrugor Korçë – Maliq, ku janë përfshirë tre mjete. Sipas informacioneve të para, një nga mjetet që po udhëtonte në drejtim të Maliqit ka tentuar të kalojë nga krahu i djathtë i rrugës nacionale në anën tjetër, ku ndodhet një biznes privat. Kjo manovër ka shkaktuar përplasjen me dy mjete të tjera që udhëtonin pas një BMË-je.

Fatmirësisht, aksidenti ka shkaktuar vetëm dëme të mëdha materiale, ndërsa asnjë person nuk ka pësuar lëndime. Rruga, e cila është e njohur për numrin e lartë të aksidenteve, ka pasur shpesh incidente të tilla për shkak të degëzimeve të shumta dhe pranisë së madhe të bizneseve përgjatë saj.

Ndërkohë, vijojnë hetime për zbardhjen e plotë të rrethanave të ngjarjes.

LEXONI GJITHASHTU:

• Aksident në rrugën Pogradec-Lin, plagoset një person
• 19-vjeçari shqiptar humb jetën në një aksident të rëndë në Itali