Aksident në rrugën e Arbrit, një makinë bie në humnerë, humbin jetën dy persona

Një aksident tragjik është regjistruar pak minuta më parë në rrugën e Arbrit, ku dy persona kanë humbur jetën. Burime bëjnë me dije se njëra nga viktimat është identifikuar si V.B.

Ngjarja ka ndodhur afër Shkallës së Tujanit, ku janë përplasur 2 automjete.

Si pasojë e përplasjes, njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet, kanë humbur jetën.

Drejtuesi i automjetit tjetër, shtetasi K. R., ndodhet në spital, në kujdesin e mjekëve.

Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën.

LEXONI GJITHASHTU: 

• Ministria e Shëndetësisë në Gazë: Mbi 100 të vrarë nga sulmet e fundit izraelite
• “Më ra të fikët në sallën e lindjes” – Flet fotografja që fikson bebet dhe nënat