“Më ra të fikët në sallën e lindjes” – Flet fotografja që fikson bebet dhe nënat

Armejsa është fotografja e parë e certifikuar për lindjen ne Ballkan. Prej thuajse 4 vitesh ajo ka fotografuar mbi 100 lindje në Shqipëri.

Misioni i saj i madh përtej fotografisë është që ‘Birthmark’ të ngrihet si një kauze për të ndihmuar çiftet e reja që duan të memorizojnë  ditën e tyre të lindjes.

‘Lufta’ e saj e përditshme në moslejimin e fotografimit në sallën e lindjes është dhe arsyeja më e madhe pse përpiqet për të sjellë fotografinë e lindjes edhe në rrjete sociale.

Në emisionin GoodMorning Albanians në Euronews Albania ajo tregoi kënaqësinë, por edhe vështirësitë e profesionit të saj të veçantë.

“Një herë ka ndodhur që jam ndjerë keq, jo se u emocionova, por isha pa ngrënë dhe u ndjeva pak keq, dhe po më binte të fikët ndaj dola jashtë. Kjo është hera e parë dhe e fundit që më ka ndodhur. Si fotografe në sallë jam shumë e kujdesshme, që kur ka diçka që nuk shkon distancohem. Kanë qenë dy raste për shkak të një procesi të gjatë të lindjes, por në fund gjithçka ka shkuar mrekulli. Një lindje natyrale mund të shkojë sa të dojë, 2 orë, 6 apo 2 ditë dhe unë kamë qenë gjithmonë në kontakt me nënë. Ditë e partë kam qenë e papërgatitur fare, jam futur në një cezarian, kam qenë përballë mamit dhe me të mbaruar kjo u futa në një lindje natyrale dhe atë ditë kam thënë; unë do ta bëj këtë punë, e ndjeva që është sfidë më vete, duhet të kesh teknikë profesionale dhe emocionale”, tha fotografja.