Aksident në rrugën Pogradec-Qafë Plloçë, plagoset një person

Një aksident me një të plagosur ka ndodhur këtë të mërkurë. Ngjarja ka ndodhur në afërsi të kryqëzimit të fshatit Starovë në Pogradec ku një mjet ka përplasur një këmbësore

E aksidentuara është dërguar menjëherë në urgjencën e spitalit bashkiak të Pogradecit . Sipas informacioneve e plagosura me inc E.B është jashtë rrezikut për jetën, ka disa të çara në pjesë të trupit dhe ka nxjerrë shpatullën.

Policia ndodhet në vendin e ngjarjes dhe po heton për shkaqet e aksidentit.

Njoftimi i policisë:

Rreth orës 20:00, në aksin rrugor “Korçë-Pogradec”, automjeti tip “Benz”, me drejtues shtetasin G. M., 44 vjeç, ka përplasur këmbësoren, shtetasen E. B., 53 vjeçe, e cila është transportuar në spital dhe është në kujdesin e mjekëve.

Drejtuesi i automjetit është shoqëruar në Komisariatin e Policisë Pogradec, për kryerjen e veprimeve të mëtejshme procedurale.

Ndërkaq, grupi hetimor është në vendngjarje, ku vijon punën për të përcaktuar shkakun e aksidentit.

LEXONI GJITHASHTU:

• Hamasi dhe Izraeli shkëmbejnë akuza për mosarritjen e një marrëveshjeje armëpushimi
• Censi 2023: 42.6% e vajzave në moshë riprodhimi nuk kanë lindur