Aksident në Vlorë, shoferja përplas me makinë të moshuarin (detaje)

Një aksident ka ndodhur mëngjesin e kësaj të hëne në Vlorë. Një 44-vjeçare me iniciale R. B., ka goditur teksa drejtonte makinën një këmbësor.

I lënduari, A. A., 69 vjeç është transportuar menjëherë në spital dhe bëhet me dije se është jashtë rrezikut për jetën.

Ndërkohë drejtuesja e automjetit është shoqëruar në Komisariat, për kryerjen e veprimeve procedurale.

Njoftimi i policisë:

Rreth orës 08:00, në lagjen “Uji i Ftohtë”, Vlorë, automjeti me drejtuese shtetasen R. B., 44 vjeçe, banuese në Vlorë, ka aksidentuar shtetasin A. A., 69 vjeç, banues në Vlorë, këmbësor.

69-vjeçari është transportuar në spital, në gjendje jashtë rrezikut për jetën, ndërsa drejtuesja e automjetit është shoqëruar në Komisariat, për kryerjen e veprimeve procedurale.

Grupi hetimor vijon punën për zbardhjen e rrethanave të aksidentit.

LEXONI GJITHASHTU:

• “Sytë” e Ukrainës, njësia speciale që drejton dronët për operacione zbulimi
• Presidenti i Pakistanit refuzoi të nënshkruajë dy ligje për sigurinë kombëtare