Kryeministri Edi Rama ka reaguar me anë të një postimi në platformën X lidhur me aksidentin tragjik ajror të ndodhur këtë të mërkurë në Kazakistan.

“Në emër të Shqipërisë, bashkohem me miqtë tanë të pikëlluar për të shprehur ngushëllimet e mia për vendet tona vëllazërore, Azerbajxhanin dhe Kazakistanin, dhe urimet e mia të përzemërta që paqja të mbizotërojë në të gjithë rajonin e tyre”, shkruan Rama.

Kujtojmë se një avion pasagjerësh i Azerbajxhanit, që nisej nga Baku me synim për në Grozny, Çeçeni, u rrëzua ditën e sotme në Kazakistan pranë qytetit Aktau.

Sipas Ministrinë së Emergjencave të Kazakistanit janë 39 të vdekur dhe 30 të mbijetuar, ndërsa në bord ishin 69 persona, përfshirë edhe 5 anëtarë të ekuipazhit. Avioni i rrëzuar ishte një Embraer 190.

Autoritetet shpjeguan se fluturimi kishte ndryshuar kurs për shkak të një problemi teknik dhe se do të tentonte një ulje emergjente. Pasagjerët ishin kryesisht azerbajxhanë, megjithëse në bord kishte edhe rusë, kazakë dhe kirgistan.

LEXONI GJITHASHTU:

• “Serbia duhet ta njohë Kosovën që të futet në BE”, Thomas Waitz: Të vazhdojë dialogu
• Lajçak: Kosova të themelojë Asociacionin, Serbia t’i njohë simbolet e Kosovës