Eurodeputeti Thomas Waitz, ishte këtë të mërkurë i ftuar në një intervistë për Euronews Albania ku ka folur rreth takimeve që po zhvillohen në Bruksel dhe dialogut Kosovë-Serbi.

Waitz u shpreh se zgjatja e procesit të dialogut Kosovë-Serbi, është diçka shqetësuese. Sipas tij palët duhet të arrijnë sa më parë një marrëveshje, ndërsa Serbia duhet patjetër ta njohë Kosovën si një shtet të pavarur.

“Sot e nesër do të shikojmë lider të rajonit që do zhvillojnë takime me liderët e BE-së dhe të Ballkanit. Kjo mund të jetë një mundësi për të caktuar bisedime të reja.

Megjithatë kjo është shumë e vështirë për momentin pasi për shkak të zhvillimeve të brendshme në Serbi, Vuçiç nuk është shumë i gatshëm për dialogun me Kosovën”,-tha ai. ndërsa shtoi se  “Për Serbinë duhet të jetë e qartë që nuk mund të futet në BE, pa e njohur Kosovën”.

LEXONI GJITHASHTU:

• Drafti i BE për dialogun: Kosova dhe Serbia duhet të zbatojnë marrëveshjet
• “Dialogu është duke vdekur”, analisti serb: Nëse në dy javë nuk jepet zgjidhje…