Aksidenti i rëndë në Kosovë, autobusi përplaset me 2 mjete, 30 të plagosur

Një aksident i rëndë ka ndodhur të shtunën në fshatin Vragoli, në Kosovë, ku si pasojë janë lënduar 30 persona.

Zëdhënësi i policisë për rajonin e Prishtinës, Bajram Krasniqi, tha se në aksident ishin të përfshirë një autobus, një kamion dhe një veturë, shkruan KlanKosova.

“Në ora 15:50, policia është njoftuar për një aksident trafiku të ndodhur në rrugën nacionale Prishtinë-Pejë (fshati Vragoli). Në aksident është përfshirë një autobus me targa të huaja, një kamion me targa vendore dhe një veturë po ashtu me targa vendore. Njësitet përkatëse policore kanë dalë në vend-ngjarje. Si pasojë e aksidentit 30 persona që kanë pësuar lëndime”, është shprehur Krasniqi.

Ai tha se në vendin e ngjarjes kanë dalë ekipet mjekësore.

LEXONI GJITHASHTU:

• Mosnjohja e Kosovës po mban peng Serbinë? Përgjigjet analisti serb
• Gazetari: Ndërkombëtarët do vendosin për asociacionin, Kosovë-Serbi do bien dakord