Aksidenti i rëndë në Lezhë-Milot, ndërron jetë një nga të plagosurit

Ka ndërruar jetë një nga pasagjerët që ndodhej në automjetin tip “Volkswagen”, i cili u përplas me një kamion në aksin Lezhë-Milot.

Shtetasi 80-vjeçar me inicialet, I. D., nuk i mbijetoi dot plagëve të marra dhe ndërroi jetë rrugës për në spital.

Ndërkohë që të plagosur kanë mbetur dhe 3 persona të tjerë të cilët janë dërguar me urgjencë në spital ku po marrin kujdesin e nevojshëm mjekësor.

Grupi hetimor dhe policia ndodhen në vendngjarje ku po punojnë për zbardhjen e rrethanave të aksidentit.

Lezhë/Informacion paraprak

Rreth orës 12:30, në aksin rrugor “Lezhë-Milot”, janë përplasur automjeti tip “Volkswagen”, me drejtues shtetasin Z. C., rreth 70 vjeç, me kamionin me drejtues shtetasin K. J.

Nga përplasja janë dëmtuar shtetasi Z. C. dhe 3 pasagjerët në automjetin që drejtonte ai. Njëri nga pasagjerët, shtetasi I. D., 80 vjeç, ka humbur jetën gjatë transportimit në spital, ndërsa 3 të dëmtuarit e tjerë janë në kujdesin e mjekëve.

Grupi i posaçëm hetimor po punon në vendngjarje për të zbardhur rrethanat e aksidentit.

• Aksident në Berat/ Përplaset nga makina një 85-vjeçar, dërgohet menjëherë në spital
• Aksident në Fier, automjeti del nga rruga, plagoset shoferi
• Aksident i rëndë në aksin Lezhë-Milot, një person mbetet i bllokuar në automjet