Aksidenti në Qafë-Thanë, flet shoferi i autobusit: Mjeti më preu rrugën

Shoferi i autobusit që u përplas me makinën pasditen e sotme në Qafë-Thanë tregoi detaje nga aksidenti që mbetën të plagosur 6 persona, dy prej tyre ndodhen në gjendje të rëndë.

Për mikrofonin e Euronews Albania, ai tha se mjeti i ka prerë komplet rrugën, e për pasojë është përplasur me autobusin.

Menjëherë pas përplasjes, mjeti ka shpërthyer në flakë.

“Isha duke zbritur kthesën e Qafë-Thanës, makina që vinte sipër, duke ndërruar marshe, ka marrë kthesën dhe më ka prerë komplet rrugën. Në atë moment makina shpërtheu direkt”- tha ai.

Ndërkohë pasagjerët e autobusit theksuan se ishin për vizitë në Jug, e po ktheheshin për në shtëpi.

Dhe pasagjerët theksojnë se ka qenë mjeti që i ka ndërprerë rrugën autobusit.

“Ne po iknim në Krujë, ishim për vizitë. Autobusi ishte në krah të vet. Në autobus ishim 40 veta. Mjeti i  preu rrugën autobusit.

Si pasojë e aksidentit kanë mbetur të plagosur 6 persona. Dy prej tyre bëhet e ditur se janë nisur me helikopter drejt Traumës pasi ndodhen në gjendje të rëndë për jetën.

LEXONI GJITHASHTU: 

• Autobusi përplaset me mjetin në Qafë-Thanë, raportohet për disa të plagosur
• Burri shqiptar qëllon me thikë në gjoks gruan në sy të vajzës 16-vjeçe