Burri shqiptar qëllon me thikë në gjoks gruan në sy të vajzës 16-vjeçe

Një ngjarje e rëndë ka ndodhur në Itali, ku një 54-vjeçar shqiptar ka goditur disa herë me thikë gruan e tij në shtëpinë e tyre, në sy të vajzës 16-vjeçare.

Ngjarja ka ndodhur në Acquaviva delle Fonti, në provincën e Barit.

Mediat italiane shkruajnë se gruaja, një 43-vjeçare me origjinë shqiptare, u transportua në spital, ku iu nënshtrua një operacioni por deri më tani nuk dihen detaje për gjendjen e saj  shëndetësore.

Gjithashtu mbrëmjen e djeshme, karabinierët e Compagnia di Gioia del Colle arrestuan bashkëshortin, e po ashtu gjetën edhe thikën që përdori për të sulmuar të shoqen.

LEXONI GJITHASHTU: 

• “Çështja Beleri, test për drejtësinë shqiptare”, Idrizi: S’duhet të intimidohet
• Konflikti në PD/ Muça: 14 maji tregoi që Basha mori më shumë vota se Berisha