Aksion i policisë në Vlorë, sekuestrohet një arsenal i madh armësh dhe eksploziv

Policia ka sekuestruar një arsenal armësh gjatë një operacioni në qytetin e Vlorës, Ato janë gjetur në një dyqan në këtë qytet, ndërsa aksioni vazhdon.

Mes armëve të gjetura ka automatik Ak-47 dhe pistoleta. Mes provave të sekuestruara janë targa mjetesh, granata dhe eksploziv.

Armatimi i sekuestruar do t’i nënshtrohet ekspertizës për të zbuluar nëse janë përdorur në ngjarje kriminale në qytetin bregdetar.

Depo ishte e kamufluar në një dyqan rrobash të përdorura. Euronews, solli dhe pamjet e para nga vendngjarja ku dallohen dallohen ekspertët e kriminalistikës teksa zbulojnë armët, ndërsa në krah të tyre, mbi tavolinë duken edhe targat.

Autoritetet kanë pasur informacion mbi këtë depo dhe ka qenë në vëzhgim deri në momentin e ndërhyrjes këtë të hënë, 12 shkurt.

Policia ende nuk ka dalë me një deklaratë zyrtare, por burime bëjnë me dije se një person me mbiemrin Dervishaj ka rënë në pranga. Depo e armëve dhe minave është zbuluar në lagjen ’10 korriku’, ndërsa policia ka ushtruar edhe kontrolle në një banesë pranë dyqanit, që dyshohet se është në pronësi të të arrestuarit.

LEXONI GJITHASHTU:

• Policia kontrolle në Vlorë, një person kapet me mina dhe armë
• VIDEO| Arrestohet me armë në brez 34-vjeçari në Vlorë