Aksioni antidrogë në Fushë-Krujë, si ra në pranga nipi i ish-deputetit socialist

Është arrestuar nga policia e Krujës, Ariel Rraja nipi i ish-deputetit socialist, Rrahman Rraja dhe djali i Flamur Rrajës.

Ariel Rraja është arrestuar ditën e djeshme dhe ishte në kërkim së bashku me babain e tij për sherrin e dhunshëm me Kujtim Cacën dhe të birin të ndodhur në tetor të 2024, konflikt i cili nisi për një kanal.

Ariel Rraja 24-vjeçari, nipi i Rrahman Rrajës është arrestuar mbrëmjen e së mërkurës gjatë një operacioni antidrogë që Policia e Tiranës ka zhvilluar në fshatin Luz të Fushë Krujës.

Ariel Rraja ishte në kërkim së bashku me babain e tij për sherrin e dhunshëm me Kujtim Cacën dhe të birin.

Policia ka pasur informacione për dy persona që po transportonin lëndë narkotike dhe ka shkuar për të bërë arrestimin e Kujtim Ukajt dhe Abdurrahman Rizvanit të cilët u kapën me 60 kg kanabis.

Por operacioni i policisë ka hasur kundërshtimin e Flamur Rrahjas dhe Ermal Tufës, pasi kanë pretenduar që policia të mos ndërhyjë në ‘zonën e tyre’. Efektivët e policisë kanë pikasur aty dhe Ariel Rrajan dhe kanë bërë arrestimin e tij, duke hasur sërish me kundërshtimin e Flamur Rrajas i cili tashmë është proceduar në gjendje të lirë për kundërshtim të punonjësve të policisë së bashku me Ermal Tufën.

LEXONI GJITHASHTU:

• Arrestohet nipi i ish-deputetit socialist, Rrahman Rraja
• “Shfryhet” dosja ndaj Rrajave, lirohen 3 të arrestuarit për dhunën ndaj fisit Maja