Aktivistja: Familja e Alma Arrazit e detyroi burrin të denonconte zhdukjen e gruas

Aktivistja për të drejtat e fëmijëve, Suela Koçibellinj, ka folur në emisionin “Good Morning Albanians” në Euronews për ngjarjen e rëndë të ndodhur në Shkodër, ku një 39-vjeçare bashkë me 3 fëmijët e saj (trupat e dy prej të cilëve janë gjetur), dyshohet të jenë vetë-mbytur në lumin Buna, pas dhunës nga bashkëshorti i saj.

Koçibellinj tha se ka qenë familja e Alma Arrazit që e ka detyruar bashkëshortin e saj të bënte denoncim pas zhdukjes së saj.

Sipas aktivistes, bashkëshorti i Almës nuk ka qenë një partner dhe baba i mirë, pasi nëse do të ishte, ai sipas saj, duhet të ishte kujdesur edhë për shëndetin psiko-emocional të nënës së fëmijëve të tij.

“Mua më shqetëson fakti që thuhet gjithë kohës se familjarët e Almës e nxitën të bënte denoncimin. Pra ai vetë nuk i interesoi fare ku është kjo grua me 4 fëmijë? Duhet ta nxisnin familjarët e Almës që të shkonte të shkonte të bënte denoncimin për të kërkuar gruan e tij, partneren e tij të jetës? Ai mund të mos donte më gruan, por ai duhet të donte fëmijët e vetë.

Kemi një baba që nuk është interesuar fare për shëndetin e fëmijëve. Sepse një baba që interesohet për mirëqenien e fëmijëve, interesohet fillimisht për shëndetin e nënës së tyre.

Duke u kujdesur edhe për shëndetin e saj të rënduar psiko-emocional. Shëndeti psiko emocional nuk cënohet kot. Asnjëri nga ne kur jemi të lumtur, të dashuruar, të ngrohtë në familje nuk marrim një akt të tillë ekstrem. Por që ka një nxitje ka”, tha Koçibellinj.

LEXONI GJITHASHTU:

• Tragjedia në Shkodër, gjendet në ujërat e Bunës trupi i një fëmije tjetër
• Mister fati i 3 të zhdukurve, çfarë dihet deri tani nga tragjedia në Shkodër