Mister fati i 3 të zhdukurve, çfarë dihet deri tani nga tragjedia në Shkodër

Vijojnë kërkimet për gjetjen e trupave të nënës 39 vjeçare, Alma Arrazi dhe dy fëmijëve të saj të zhdukur prej 3 ditësh në Shkodër. Pas gjetjes së trupit të mbytur të vajzës së madhe 9-vjeçare në lumin Buna pranë fshatit Daragjat 2 ditë më parë nga një peshkatar, të gjitha kërkimet janë përqëndruar përgjatë shtratit të lumit, pasi dyshohet se 39-vjeçarja të jëtë hedhur bashkë me fëmijët e saj në rrjedhë.

Ngjarja ka ndodhur më datën 2 maj dhe më pas bashkëshorti i 39-vjeçares ka bërë denoncimin në polici më datë 3 maj. Pas marrjes në pyetje dhe zbulimit të trupit të vajzës, shtetasit Erdgys Arrazi i janë vënë prangat, si i dyshuar se është bërë shtysë për aktin e vetëflijimit të bashkëshortes bashkë me fëmijët.

Po ashtu, motra e 39-vjeçares ka deklaruar në polici se Erdgys Arrazi ushtronte dhunë sistematike ndaj të zhdukurës Alma Arrazi, e cila është me origjinë nga Lezha.

Sipas hetimeve, gjithashtu dyshohet se 31 vjeçari ka pastur një lidhje jashtëmartesore dhe ky lajm është marrë vesh nga 39-vjeçarja Alma Arrazi, e cila dyshohet se në kushte të rënduara psikologjike është hedhur në lumin Buna.

Këtë të hënë bëhen afro 50 orë që kur polumbarët e RENEA-s kanë nisur kërkimet në të gjithë shtrirjen e lumit. Të angazhuar në këtë operacion kërkimi janë edhe forcat e ndërgyrjes së shpejtë, por edhe banorë të zonës.

Po ashtu policia ka sekuestruar edhe kamerat e biznesve përgjatë lumit Buna për të bërë të mundur zbardhjen e itenerarit që ka ndjekur nëna me 3 fëmijët. Ndihmë është kërkuar edhe nga pala malazeze për kërkime edhe në territorin e tyre.

Ndërkohë këtë të hënë është përcjellë për në banesën e fundit vajza e madhe 9 vjeçare e familjes Arrazi, ndërsa mbetet mister fati i 3 personave të zhdukur të familjes Arrazi.

LEXONI GJITHASHTU:

• Tragjedia në Shkodër, Karamuço: Turp, 2 varka! Kaq vlen jeta e gruas me 2 fëmijë?
• Ngjarja e rëndë në Shkodër, Spiropali: Drejtësia të jetë e pamëshirshme ndaj dhunës!