Aktori Godaj: Nga Sandër Prosi te Robert Ndrenika, më mbanin në pëllëmbë të dorës

Taulant Godaj, aktori që luajti rolin e fëmijës tek filmi “Nëntori i Dytë” ishte i ftuar këtë të enjte nëemisionin “Good Morning Albanians” në Euroneës Albania.

Ai tha se asokohe nuk e dinte rëndësinë e filmit në të cilin do të merrte pjesë ndërsa tregoi se çfarë i tha mësuesit kur e pyeti për historinë e flamurit shqiptar.

Mes tjerash ai tregoi se Sandër Prosi, i cili luajti rolin e Ismail Qemalit në tek filmi, por dhe aktorët e tjerë, e mbanin në pëllëmbë të dorës, pasi ishte fëmija i vetëm në film.

“Mbaj mend në orën e historisë më çoi mësuesi dhe më pyeti historinë e ngritjes së flamurit në Shqipëri, tre ditë pas shpalljes së premierës së filmit. Unë tregova skenarin e filmit në vend të historisë. Atëherë nuk e kisha kuptuar filmin ‘Nëntori i Dytë”. Atëherë isha i kënaqur dhe rëndësinë e filmit e kuptova shumë vonë. Në atë kohë Sandër Prosi  dhe të tjerët më mbanin në pëllëmbë të dorës. Isha fëmija i vetëm i filmit. Për të gjithë aktorët isha veza që mos të thyhet. Që nga Sandër Prosi, Robert Ndrenika, Bujar Lak, Gulejm Radoja. Të gjithë kujdeseshin për mua”-tha ai.

LEXONI GJITHSHTU: 

• Drejtuesja e Speciales: Gjykata mund të japë dhe dënime me bugim të përjetshëm
• Musk ofendon reklamuesit që u larguan nga X për shkak të antisemitizmit