Aktorja Edona Reshitaj tha në një intervistë për “Good morning Albanians” në Euronews Albania se kemi të bëjmë me një realitet tronditës.

Sipas saj, sot gratë ose janë të shtypura, ose shihen si kukulla.

“Përmes muzikës, unë kam mundur të shfaq kauzat e mia, ato të cilat s’mund t’i bëj përmes aktrimit. Është një befasi që ka pasur një impakt pozitiv. Kam marrë mesazhe të vazhdueshme prej vajzave, nënave sepse jemi në një kohë kur muzika shihet më shumë si komercial edhe nuk shtihet shumë mend në tekst,” – u shpreh Reshitaj.

Aktorja theksoi se ka zgjedhur të përforcojë mesazhet e saj për gratë pasi vetë është grua dhe jeton mes grave. Sipas saj realiteti duhet ndryshuar dhe për këtë duhet të jenë gratë ato që fillimisht duhet të bashkojnë forcat me njëra-tjetrën.

LEXONI GJITHASHTU:

• Rama uron 8 Marsin: Do mbështesim nënat e papuna me 3 ose më shumë fëmijë
• Emocionet vijnë nga burrat! Personazhet publike japin mesazhe për 8 Mars!