Aldi Topçiu: Ja çfarë ndodhi dje në mbledhjen e shoqatës Tirana

Drejtor Juridik i FSHF,  Aldi Topçiu thotë se Bashkia e Tiranës duket të tregojë interes për zbatimin e ligjit dhe jo për mbarëvajtjen e Shoqatës Tirana.

Sipas tij Bashkia e Tiranës duhet të kishte shitur aksionet që ka në zotërim në ekipin e futbollit të Tiranës.

“Mendoj se është më me vend që Bashkia e Tiranës dhe Këshilli Bashkiak duhet të kishin më me interes zbatimin e ligjit se sa mbarëvajtjen e mbledhjes së Shoqatës Tirana”, tha Topçiu.

Sipas drejtorit juridik të FSHF ndërhyrja e kreut të Bashkisë Tiranë është bërë për të ndikuar në zgjedhjet e Federatës Shqiptare të Futbollit.

Mandati i kreut aktual të FSHF, Armand Duka përfundon në qershor 2022. Ai ende nuk ka shpallur kandidaturën për një mandat tjetër, që do të ishte i gjashti.