Alcaraz mposht rivalin kryesor Sinner, ngre lart trofeun në US Open

Finalja e US Open ka rezultuar spektakolare, ndërsa vendosi përballë dy nga emrat më në formë të tenisit botëror, Carlos Alcaraz dhe Janik Sinner.

Një duel që zgjati përreth 2 orë e 45 minuta e në fund triumfoi spanjolli që vendos një rekord në karrierën e tij. Me këtë triumf ai gjithashtu rikthehet në krye të piramidës botërore të tenisit, duke zbritu kështu italianin në vendin e dytë.

Alcaraz e nisi mjaft mirë, duke fituar në setin e parë pa shumë vështirësi në shifrat 2-6. Në atë pasardhës, italiani riktheu ekuilibrat, pasi e fitoi 6-3. Në vijim u duk se gjërat u bënë më të lehta me iberikun që fitoi setin e tretë 6-1 dhe atë final 6-4. 3-1 dhe vjen trofeu i radhës për vitin 2025, si dhe fitorja numër 61 për Carlos Alcaraz. Askush si ai përgjatë këtij edicioni, ku ka qenë i jashtëzakonshëm.

Ky është titulli i dytë i fituar në US Open në karrierën e 22-vjecarit, që numëron 7 të tillë përgjatë vitit 2025 në disa kompeticione.

LEXONI GJITHASHTU:

• Teknologjia dështon në Wimbledon, tenistja ruse shpërthen ndaj gjyqtarëve
• Sinner pezullohet 3 muaj nga tenisi, italiani rezultoi pozitiv në testet e doping