Aleksandër Biberaj kujton 8 dhjetorin: Ikja e Ismail Kadaresë i vuri kapakun

Ish-studenti i dhjetorit, Aleksandër Biberaj u shpreh në një intervistë për Euronews Albania se 32 vite pas rënies së regjimit komunist, ende nuk kemi ecur ashtu siç duhet me procesin e integrimit.

Ai shtoi se Shqipëria duhet të kishte ecur shumë para në këto 32 vite demokraci.

“8 dhjetori është një moment reflektimi për të gjithë ne që ishim pjesë e asaj lëvizje, por nuk ndihesh mirë. Ne duhet të kishin ecur shumë përpara, por fatkeqësisht nuk kemi ecur. Jemi shumë pas edhe më integrimin në BE. Aspirata evropiane nuk është realizuar akoma, pas 32 vitesh”, u shpreh ai.

Biberaj kujtoi se ngritja e studentëve kundër regjimit më 8 dhejtor të 1990, nuk ishte e lehtë, por studentët morën vrull edhe nga ikja e Ismail Kadaresë.

“Ziente kazani i pakënaqësisë popullore. Në në atë kohë ndiqnin Zërin e Amerikës, ishim sy e vesh me atë që ndodhte në Europën Juglindore. Ishim të informuar, ndjenim një keqardhje që këtu nuk kishte një rezistencë. Ajo që i vuri kapak ishte ikja e Ismail Kadaresë, kjo na tregoi ne se këtu nuk jetohet në këtë vend. Edhe vetë regjimi e kishte kuptuar që ishte fundi. Nuk kishin me argumente për ta kundërshtuar”, u shpreh Biberaj.

LEXONI GJITHASHTU:

• Ende s’ka vlerësim për dëmet, qindra banesa të dëmtuara në Shkodër nga përmbytjet
• 8 dhjetori, Dita Kombëtare e Rinisë
• Lista Serbe nuk do të marrë pjesë në zgjedhjet e 18 dhjetorit në veri