Artisti Robert Aliaj tha në një intervistë për Euronews Albania se festivali i këngës është institucioni që duhet të shkatërrojë modelin e antivlerave që shohim sot në ekrane.

Aliaj u shpreh se mania për të shkuar pas klikimeve nga televizionet ka bërë që të shkojnë drejt skandaleve dhe sensacionit.

“Në të gjitha instancat sot duan klikime jo cilësi. Edhe TVSH kërkon të ketë klikime, që i sjell skandali, sensacioni, argumentet vulgare dhe të rrezikshme për familjen. Po të sjellës dy njerëz skandaloz, ke me miliona shikime dhe reagime. Jemi një shoqëri e krimbur që edhe TV ka investuar për ta bërë këtë. TV nuk është institucion, ideja është çfarë fut në panel. e ngre këtë shqetësim si prind”, tha Robert Aliaj.

LEXONI GJITHASHTU:

• Robert Aliaj: Unë nuk shitem, prandaj nuk më duan në juri
• Gala Dragot: Jam favorite për të përfaqësuar Belgjikën në Eurovision