Alibeaj: Mazhoranca proces fals për presidentin, synon të trazojë opozitën

Kreu i grupit parlamentar të PD, Enkelejd Alibeaj e cilësoi fals procesin që po ndjek mazhoranca lidhur me zgjedhjen e presidentit të ri.

Në një deklaratë për mediat pas mbledhjes së Konferencës së Kryetarëve, ai theksoi se në fillim duhet të të caktoheshin kriteret e përzgjedhjes në mënyrë që personi që do të zgjidhej të kishte dinjitet dhe jo të shkohet direkt për te emri.

“Këta kanë qëllimin për të shtyrë ditët, për të trazuar ujërat e opozitës dhe pastaj ta zgjedhin me votat e tyre”, tha Alibeaj.

Alibeaj theksoi se presidenti i ri duhet të zgjidhet për shkak të virtyteve, betejave dhe reputacionit.

Ndaj sipas tij, opozita ka kërkuar që të ketë një proces, rregulla, kritere dhe nëse pranohet ky qëndrim nga mazhoranca mund të kalohet tek emrat.

Konferenca e Kryetarëve miraton 23 majin si raundin e dytë të votimit për zgjedhjen e presidentit. Votimi pritet të zhvillohet në orën 18:00.

LEXONI GJITHASHTU:

• Më 23 maj raundi i dytë i votimit për presidentin e ri
• Zgjedhja e presidentit, Sula: Parlamenti ka legjitimitet të cunguar