Edi Rama nuk e ka të drejtën të zgjedhë presidentin e Republikës, pasi 4 deputetë të tij nuk përfaqësojnë më zërin e qytetarëve.

Kështu u shpreh për mediat pas mbledhjes së Grupit Parlamentar të PD-së, Enkelejd Alibeaj.

“Dy janë pas qelisë, dy të tjerë janë dizajnuar si non-grata nga Departamenti Amerikan i Shtetit”, u shpreh Alibeaj.

Alibeaj tha se “nuk mund të degradojë procesi i zgjedhjes së presidentit me emra të futur në zarfe”.

Grupi Parlamentar i PS-së u mblodh të hënën për të diskutuar për procedurën e zgjedhjes së Presidentit të ri, ku deputetët shkruajtën në zarfe propozimet e tyre.

Sipas Alibeajt, duhet vendim kolegjial për zgjedhjen e presidentit.

Alibeaj tha se Grupi Parlamentar i PD-së do të mblidhet sërish të enjten, ku do të merren opinionet e secilit deputet për të dalë në një qëndrim të përbashkët.

LEXONI GJITHASHTU:

• Arben Pëllumbi tregon rreth propozimeve të tij për presidentin e ri
• Berisha: Konsultimet e PS për Presidentin janë farsë