Alibeaj për presidentin: Mazhoranca nuk e ka legjitimitetin ta zgjedhë e vetme

“Kjo mazhorancë fiktive nuk e ka legjitimitetin për ta zgjedhur e vetme presidentin”. Kështu deklaroi kreu i Grupit Parlamentar të Partisë Demokratike Enkelejd Alibeaj gjatë një konference për mediat.

Ai nënvizoi se procesi për zgjedhjen e presidentit duhet të jetë transparent.

“Nuk është çështje numrash, është çështje procesi, një proces gjithëpërfshirës. Ky parlament ka detyrim jo ta zgjedhë nga gjiri i vetë, por duhet ta bëjë në mënyrë transparente për ju dhe publikun. Nuk është çështje numrash, është çështje legjitimiteti. Konsultimet janë detyrim, në bazë të konsultimeve dhe në bazë se në çfarë deputetët do të kërkojnë, unë besoj se do të procedojmë”, u shpreh Alibeaj.

Alibeaj nënvizoi se presidenti i ri duhet të jetë njeri i ekuilibrave.

“Nuk do duhet të jetë president i afektuar nga votat non grata. Duhet të zgjidhet një profil politik në këtë situatë ku institucionet kanë rënë, presidenti duhet të jetë njeri i ekuilibrave. Procesi i zgjedhjes së presidentit të jetë serioz dhe të mos ngutemi”, përfundoi ai.

LEXONI GJITHASHTU:

• Patozi refuzon ftesën e Berishës: S’jam në kërkim të ndonjë partie
• Berisha: 22 maji propozohet datë për zgjedhjen e kreut të ri të PD
• Balla propozon 10 majin për raundin e parë për votimin e presidentit