Alibeaj: Vendimet në PD janë marrë nga Berisha në këto 30 vite

Kryetari i komanduar i Partisë Demokratike, Enkelejd Alibeaj tha në një intervistë për Euronews Albania se nëse merren me sharje e baltosje i bie të bëhen si Sali Berisha, gjë e cila është e papranueshme.

Alibeaj tha se është fyerje e inteligjencës të besohet se një alternativë aq e vjetër sa Berisha që vetëm akuzon duke dashur të mbulojë fajet e tij, mund të jetë zgjidhja për të shpëtuar nga regjimi i Edi Ramës.

“Berisha përdori dëshpërimin e demokratëve, të shqiptarëve, për ta hedhur hallin e vet personal te demokratët. Kush do e përmbysë regjimin e Edi Ramës, Sali Berisha i 2013-tës i cili humbi? Sali Berisha i cili ka qenë prezent në Partinë Demokratike nga 2013-ta deri para 2 viteve më parë që ka qenë zëri që ka vendosur politika, tashmë këtë s’mund ta mohojë askush. Pra, si mundet një ofertë e vjetër, e lashtë, antike, e dalë mode të mund të shfaqet si zgjidhje? Eksperienca njerëzore dhe botërore ka treguar se nuk mund të ketë nga këto rishpikje,” – u shpreh Alibeaj.

Sipas tij, përveç vjetërsisë në ofertë dhe mënyrës si bëhet politikë apo mentalitetit, Berishës i janë shtuar disa barra të tjera që janë të rënda për shoqërinë shqiptare.

“Non grata në Shtetet e Bashkuara të Amerikës dhe nga Mbretëria e Bashkuar, refuzimi total i bëhet nga perëndimi dhe për këdo njeri që ka respekt për inteligjencën e vet e kupton fare mirë që është totalisht e pamundur dhe një humbje kohe, energjish dhe fyerje e inteligjencës të mendosh që mund të jetë zgjidhje Sali Berisha me kompani,” – shtoi Alibeaj.

LEXONI GJITHASHTU:

• Alibeaj sulmon Berishën: Arsyeja kryesore e humbjes në vitin 2021
• “Aleatët duan korrektësi”, Alibeaj: Qeveria do marrë haraçin për ndikim në zgjedhje