Aktivisti Altin Hazizaj ishte këtë të martë i ftuar në emisionin “People” në Euronews Albania ku tha se duhet të kemi shumë kujdes për të krijuar ambient të sigurt për fëmijët.

Ai tha se sipas të dhënave rreth 80% e rasteve kur fëmijët kanë përjetuar dhunë seksuale, ata janë abuzuar nga njerëz të afërt.

“Bindja jonë si qytetar, është se jetojmë në një komunitet që është i sigurt dhe që i mbron fëmijët, por në fakt, ndonjëherë edhe brenda familjes asgjë nuk është e sigurt.

Realiteti na tregon se shumica e rasteve të dhunës seksuale, rasteve ekstreme, të vrasjeve të fëmijëve, ndodhin shpesh në rrethin më të afërt të familjes.

Thuajse 80% e ngjarjeve të rënda në jetën e fëmijës, mund të ndodhin nga njerëzit e rrethit shumë të ngushtë. E dyta, në të gjithë botën prindi nuk lejohet të hyjë në ambientet e brendshme të kopshteve e të shkollave, te ne nuk është kjo”,-tha Hazizaj.

LEXONI GJITHASHTU:

• Autoritetet malajziane shpëtuan 400 viktima të mitura të abuzimit seksual 
• I akuzuar për 4 vepra penale, GJKKO kthen në SPAK dosjen e mjekut Edvin Prifti