Amazon do t’u japë $500 milionë punonjësve më të rrezikuar nga Covid-19

Amazon ka garantuar 300 dollarë bonus, për punonjësit me kohë të plotë dhe 150 dollarë bonus për punonjësit e saj me kohë të pjesshme.

Informacioni i dhënë nga kompania tregon se kanë paguar më shumë se 2.5 miliard dollarë shpërblime për punonjësit e vijës së parë këtë vit, pra për punonjësit më të rrezikuar për t’u infektuar me COVID-19, ndërsa në qershor kompania
dha 500 milion dollarë të tjerë në bonuse.

Që prej nisjes së pandemisë së shkaktuar nga COVID-19, por edhe gjatë izolimit, pati një rritje të madhe të shpenzimeve që njerëzit bënë në produkte elektronike.

Depot e shitjeve me pakicë mbetën në të gjithë vendin të hapura. Ndaj edhe nga kjo situatë, Amazon ka përfituar sepse siç ka raportuar, fitimet janë rritur shumë gjatë vitit 2020 krahasimisht me vitet e shkuara.

Në tetor, Amazon raportoi një normë infeksioni prej 1.44%, të numrit të përgjithshëm të punonjësve të saj, dhe 19,816 punonjës të vijës së parë rezultuan pozitivë me Covid-19.

Kjo gjë është ndjekur edhe nga shitësit e tjerë me pakicë si Walmart dhe Home Deport të cilën kanë vepruar njësoj me skemën e bonusve të dhëna për punonjësit e tyre.