Ambasada e SHBA-së: I qëndrojmë pozicionit tonë, nuk angazhohemi me “non grata”

E ngarkuara me punë e SHBA-së, Nancy VanHorn ka reaguar me anë të një njoftimi në faqen zyrtare të Ambasadës Amerikane në Shquipëri ku shprehet se Shtetet e Bashkuara vlerësojnë rëndësinë e një opozitë të shëndetshme si pjesë me rëndësi kritike për demokracinë.

Megjithatë ajo vijon më tej se qendrimi i SHBA-së do të vijojë të jetë i njëjtë për sa u takon personave të përcaktuar për përfshirje në korrupsion madhor.

“Një opozitë e shëndetshme është pjesë me rëndësi kritike e një demokracie të gjallë. I vlerësoj mundësitë që kam pasur muajt e fundit për t’u takuar me përfaqësues të ndryshëm të opozitës për të dëgjuar një larmi këndvështrimesh mbi sfidat me të cilat përballet populli shqiptar, shqetësimet për mjedisin e ardhshëm zgjedhor dhe sesi Shqipëria mund të ndërtojë një të ardhme më të mirë.

Nxis të gjitha palët të angazhohen në mënyrë konstruktive në një proces politik që është i barabartë për të gjithë. Ne i qëndrojmë pozicionit tonë të kahershëm se nuk angazhohemi me individë të përcaktuar për përfshirje në korrupsion madhor.” – E Ngarkuara me Punë Nancy VanHorn.

Kujtojmë se Sali Berisha, kreu i Partisë Demokratike, e cila ëhstë edhe partia më e madhe opozitare, ëhstë shpallur non grata nga SHBA.

LEXONI GJITHASHTU:

• E dërguara e SHBA: Dërgoni para gjykatës bosët e krimit dhe figurat e korruptuara
• “Grenell i afërt me Serbinë”, publicisti nga Kosova: Ka marr dekoratë nga Vuçiç