“Ambasadori i ardhshëm i SHBA në Shqipëri flet shqip”- Turishta: Posti që ka mbajtur

Pak ditë pasi u kthye nga Senati Amerikan, David J. Kostelancik është propozuar sërish për ambasador në Shqipëri. Kandidatura e tij, pritet të kalohet në senat dhe sipas gazetares Kozeta Turishta ajo do të zyrtarizohet.

E ftuar në nëj intervistë për Euronews Albania, ajo tha se tashmë të gjitha gjasat tregojnë se ai do të jetë ambasadori i ri i Amerikës në Shqipëri, ndërsa bëri edhe një biografi të shkurtër për të teksa theksoi se ai e njeh mirë Shqipërinë dhe gjithashtu e njeh edhe gjuhën shqipe.

“Ai është një diplomat amerikan me një karrierë shumë të gjatë. Aktualisht ai shërben si këshilltar për politikat e jashtme të shefit të shtabit amerikan. Ai ka shërbyer në ambasadën e SHBA-ve në Moskë të Rusisë, në Ankara të Turqisë, në NATO gjithashtu.

Ai është i martuar, ka 3 djem. Ndër të tjerat ai është pyetur edhe për Shqipërinë. Gjatë viteve ’90 ai ka shërbyer në zyrën e politikës së jashtme në Shqipëri, ai e njeh realitetin shqiptar. Sipas informacioneve, flitet se ai e njeh dhe e flet gjuhën shqipe, ky është një lajm i mirë, për të dhe për Shqipërinë. Ku është pyetur për këtë kandidaturë, ai ka vënë theksin te prioriteti kryesor te lufta ndaj korrupsionit dhe krimit të organizuar”-tha gazetarja.

LEXONI GJITHASHTU:

• Biden rikandidon David J. Kostelancik për ambasador të SHBA në Shqipëri
• “Kush dreqin është ambasadori amerikan”- Dodik sfidon SHBA me retorikën e shkëputjes