Ambasadorja greke takim në Ministrinë e Jashtme, shpreh shqetësimin për Belerin

Ambasadorja greke në Tiranë, Kostandina Kamici, ka zhivilluar këtë të premte një takim në Ministrinë e Jashtme, ku ka shprehur shqetësimin në lidhje me arrestimin e kandidatit të koalicionit “Bashkë Fitojmë” për Himarën, Fredi Beleri.

Burime bëjnë me dije se ambasadorja kamici ka qëndruar vetëm pak minuta dhe është takuar me një nga drejtorët e ministrisë që mbulon çështjet me Greqinë dhe jo me Ministren e Jashtme.

Euronews Albania ka mësuar se nuk ka patur ndonjë shkresë të dorëzuar nga ambasadorja por diplomatja ka ngritur shqetësimin e arrestimit të Fredi Belerit.

Pra, shqetesimin e saj ambasadorja greke ia ka përcjellë gojarisht drejtorit përkatës që ka zhvilluar takimin.

Në lidhje me arrestimin e Fredi Belerit nuk ka ende asnjë komunikatë zyrtare, ndërkohë që dyshohet se ai është ndaluar nga prokuroria e Vlorës për shit-blerje votash.

LEXO GJITHASHTU:

• Arrestimi i Belerit, Dule: S’pati asnjë njoftim, urdhrin e dha Prokuroria e Vlorës
• “Shit-blerje votash”- Detaje nga arrestimi i Belerit, përfundon në spital shoqëruesi