“Amerikanët të frikësuar nga Trump”- Kondi: Mbështetja e Biden po rritet në sondazhe

Pedagogu Sokol Kondi është shprehur se mbështetja për presidentin aktual të SHBA-ve, Joe Biden, po rritet në sondazhet e fundit.

Komentet Kondi i bëri në Euronews Albania, ku tha se amerikanët dhe kryesisht demokratët janë të frikësuar nga një rikthim i mundshëm i ish-presidentit Donald Trump në krye të Shtëpisë së Bardhë.

Ai shtoi se amerikanët për hir të një të keqeje më të madhe, duan të qëndrojnë aty ku janë.

“Gjatë presidencës së Trump konfliktet thuajse nuk ekzistonin. Trump gjatë presidencës së tij pati takimin me Kim Jong Un. Pati me Putinin një qasje sikur ai ishte miku i tij. E njëjtë siç shfaqej Berluskoni në Europë. Megjithatë miqësi mes Amerikës dhe Rusisë është e vështirë të imagjinosh në këtë moment.

Garë duket sikur në kampin e demokratëve nuk ka. Përqindjet tregojnë qartë tendencën. Siduket elektorati i majtë i frikësuar nga gogoli i ish-presidentit Trump, e ka bërë zgjedhjen e tij, do të qëndrojë i ngurtë në llogoren ku është strehuar.

Amerikanët për hir të të keqes më të madhe, duan të qëndrojnë aty ku janë. Biden është rritur në sondazhe përballë një rreziku të kthyer, pasi mendohej se Trump nuk do të kthehej më. Pra ata mund të jenë të trembur nga një ndryshim i mundshëm që mund të vijë”, tha Kondi.

LEXONI GJITHASHTU:

• Vendimi për Donald Trump, ish-presidenti nuk ka imunitet nga ndjekja penale
• “Izraeli do t’a tërheqë Iranin në luftë”, Krisafi: Nëse fiton Trump, mund të ndodhë